Amérika, b d t xewpsizlik kéngishidiki da'imiy ezalar sanini köpeytishni qollidi

• 
  2005-06-17

Amérika, kam dégende yaponiye qatarliq ikki döletning b d t xewpsizlik kéngishining da'imiy ezaliqigha köpeytip saylinishini qollidi. Emma amérika, yéngidin saylinidighan da'imiy ezalarning ret qilish hoquqi bolushigha qarshi turidiken shundaqla az dégende üch döletni xewpsizlik kéngishining adettiki ezaliqigha köpeytip saylashni ümid qilidiken.

Amérika yardemchi tashqi ishlar ministiri nikolas burnis, "da'imiy ezalarni ikki, adettiki ezalarni ikkidin üchkiche köpeytishni qollaymiz," dep körsetti. Burnisning tekitlishiche, amérika xewpsizlik kéngishidiki 15 ezaning 19 yaki 20 ge köpeytilishini xalaydiken. Bu amérikining xewpsizlik kéngishidiki ezalar sanini köpeytish pilanini tunji qétim ashkarlishi bolup hésablinidu.

Amérika yaponiye, gérmaniye, braziliye we hindistan qatarliq töt döletning xewpsizlik kéngishidiki ezalar sanini 25 ke köpeytish pilanigha qiziqmaydiken. Emma yaponiyining da'imiy ezaliqini qollaydiken.

Xitaylar yaponiyining da'imiy ezaliqigha qarshi chiqip, xewpsizlik kéngishidiki ret qilish hoquqimizni qollinimiz, dep agahlandurghan. Xitay bash ministiri wén jyabaw, "yaponiye xewpsizlik kéngishige da'imiy eza bolush layaqitige ige emes," dégen idi. Emma yaponiye tashqi ishlar ministiri machimuraning ashkarilishiche, amérika tashqi ishlar ministiri kondiliza rayis, amérikining yaponiye qatarliq ikki döletni xewpsizlik kéngishining da'imi ezaliqigha köpeytip saylashni teshebbus qilidighanliqini uqturghan. (Erkin)