B d t xitayning qush zukam wirusi toghrisida téximu köp uchur bilen teminlishini telep qildi

Xitay da'iriliri jüme küni xunenning shyangten nahiyiside 12 yashliq bir qizning qush zukam wirusida ölgenlikini ret qilghandin kéyin, b d t ning sehiye orgini qush zukam wirusi toghrisida téximu köp uchur bilen teminleshni telep qildi.

Xitayda ötken hepte 3800 din artuq toxu, ördek we ghaz H5N1 tipliq zukam wirusi tüpeylidin öltürülgen. Xitay sehiye ministirliki, xunenning shyangten nahiyiside ölgen 12 yashliq qizning qush zukam wirusi tüpeylidin emes, öpke késili sewebidin ölgenlikini bildürdi. Sehiye ministirlikining bayanatchisi chén, hazirghiche qush zukam wirusining ademlerge yuqush ehwali bayqalmighanliqini bildürgen bolsimu, emma "qush zukam wirusini kontrol qilish tirishchanliqi meghlup bolsa, wirusning ademlerge yuqush éhtimali waqit mesilisila bolup qalidu," dep agahlandurdi.

Dunya sehiye teshkilatining bayanatchisi mariya chéng, "biz xitayda bayqalghan yuqumlunush weqesi toghrisida téxiche uchurgha ige emesmiz," dep körsetti. U, " her ikkila adem késel toxular bilen munasiwetlik bolghanliqtin, biz téximu tepsili melumatqa ige bolushni ümid qilimiz", deydu.

Fransiye axbarat agéntliqining xewer qilishiche, dunya sehiye teshkilati xitay da'iriliridin xunen'ge mutexessisler ewetishni telep qilghan. Emma xitay hökümiti bu yil 5 we 6 - aylarda sanji we chöchek qatarliq jaylirida qush zukam wirusida bayqalghanda dunya sehiye teshkilatining bu jaylarda tekshürüsh élip bérishigha yol qoymighan idi. (Erkin)