Braziliye, b d t islahatigha qarshi chiqqan xitayning yétim qalidighanliqini agahlandurdi


2005.06.03
Share on WhatsApp
Share on WhatsApp

B d t ning xewpsizlik kéngishige da'imiy eza bolushni talishiwatqan braziliye, eger xitay xewpsizlik kéngishige da'imiy eza döletler sanini köpeytishke qarshi chiqsa, " özini yétim qaldurushi mumkin," dep agahlandurdi.

Xitayning b d t diki da'imi wekili wang gu'angya, gérmaniye, yaponiye, braziliye we hidistanlarning xewpsizlik kéngishige da'imiy eza döletler sanini köpeytish toghrisidiki teklip lahiyisige ret awazi béridighanliqini jakarlighan. Xitay, xewpsizlik kéngishidiki kéngesh qararlirini ret qilish hoquqigha ige besh da'imiy hey'etning biri.

Braziliye tashqi ishlar ministirliqining bayanatchisi, "her qaysi qit'eler b d t islahatini qollawatqan ehwalda ret qilish awazi qollinish, xitayni yétim ehwalda qaldurush bilen axirlishidu," dep körsetti.

Emma gérmaniye, yaponiye, braziliye we hidistanlarning teklip lahiyisini awzagha qoyushni " xeterlik heriket," dep tekitligen wang gu'angya, bu b d t we mezkur organ'gha eza döletler ittipaqliqini buzup, b d t ning islahat musapisini qayduruwétidu," dep körsetken.

Béyjing hökümiti gérmaniye, braziliye we hindistanlarning xewpsizlik kéngishige da'imiy eza bolush tirishchanliqini qollisimu, emma yaponiyining da'imi ezaliqigha qarshi chiqmaqta. Eger xitay xewpsizlik kéngishini kéngeytishke qarshi bilet tashlisa, bu ehwalda 4 döletning teklip lahiyisi b d t ning omumi yighinida awazgha qoyulidu. Emma teklip lahiyisi b d t gha eza 191 döletning 3 den 2 qisimi qollap bilet tashlighanda andin küchke ige bolidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.