Б д т хитайниң шималий корийилик мусапирларни қоғдишини тәләп қилди


2005.06.13
Share on WhatsApp
Share on WhatsApp

Б д т ниң кишилик һоқуқ мәсилиси бойичә алаһидә әлчиси витит мунтаборн, бейҗиң һөкүмитини хитайдики шималий корийә мусапирлирини дөлитигә қайтурушни тохтитишқа чақирип, уларға мусапирлиқ салаһийити беришни тәләп қилди.

Мунтаборн, шимали корийилик мусапирларға яхши муамилә қилиш хитайниң хәлқара җәмийәт алдидики мәҗбурийити, дәп тәкитлигән. У, бу сөзләрни б д т ниң малайзийә пайтәхти куала лумпурдики йиғинида сөзлиди. Мунтаборн, хитай шимали корийилик мусапирларға инсанпәрвәрләрчә муамилә қилиш керәк, дәп әскәрткән. Мунтаборнниң тәкитлишичә, хитай хәлқара мусапирлар әһдинамисиға имза қойған дөләт болуп, хәлқара җәмийәт хитайни әһдинамидики мәҗбурийитини ада қилишқа үндүши керәккән.

У, хитайдики шималий корийилик мусапирлар дөлитигә қайтурулғандин кейин зиянкәшликкә учраш һәтта өлүм җазасиға һөкүм қилиниш һәвпи барлиқини билдүргән. Униң әскәртишичә, шимали корийиликләр б д т әһдинамисидики мусапирлиқ салаһийитигә тошидикән. Әмма бейҗиң һөкүмити хитайдики шимали корийиликләрни иқтисади мусапир дәп қарап, уларға паналиқ беришни рәт қилмақта иди.

Хитайниң мусапирлар мәсилидики қисинчилиқи шимали корийиликләр билән чәкләнмәйду. Қазақистан мәтбуатлириниң ашкарилишичә, хитай билән қазақистан 1998 - йили мусапирлар мәсилиси бойичә келишим имзалиған болуп, қазақистан уйғурларға мусапирлиқ салаһийитини етирап қилмайдиғанлиқи тоғрисида вәдә бәргән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.