B d t xitayning shimaliy koriyilik musapirlarni qoghdishini telep qildi


2005.06.13

B d t ning kishilik hoquq mesilisi boyiche alahide elchisi witit muntaborn, béyjing hökümitini xitaydiki shimaliy koriye musapirlirini dölitige qayturushni toxtitishqa chaqirip, ulargha musapirliq salahiyiti bérishni telep qildi.

Muntaborn, shimali koriyilik musapirlargha yaxshi mu'amile qilish xitayning xelq'ara jem'iyet aldidiki mejburiyiti, dep tekitligen. U, bu sözlerni b d t ning malayziye paytexti ku'ala lumpurdiki yighinida sözlidi. Muntaborn, xitay shimali koriyilik musapirlargha insanperwerlerche mu'amile qilish kérek, dep eskertken. Muntabornning tekitlishiche, xitay xelq'ara musapirlar ehdinamisigha imza qoyghan dölet bolup, xelq'ara jem'iyet xitayni ehdinamidiki mejburiyitini ada qilishqa ündüshi kérekken.

U, xitaydiki shimaliy koriyilik musapirlar dölitige qayturulghandin kéyin ziyankeshlikke uchrash hetta ölüm jazasigha höküm qilinish hewpi barliqini bildürgen. Uning eskertishiche, shimali koriyilikler b d t ehdinamisidiki musapirliq salahiyitige toshidiken. Emma béyjing hökümiti xitaydiki shimali koriyiliklerni iqtisadi musapir dep qarap, ulargha panaliq bérishni ret qilmaqta idi.

Xitayning musapirlar mesilidiki qisinchiliqi shimali koriyilikler bilen cheklenmeydu. Qazaqistan metbu'atlirining ashkarilishiche, xitay bilen qazaqistan 1998 - yili musapirlar mesilisi boyiche kélishim imzalighan bolup, qazaqistan Uyghurlargha musapirliq salahiyitini étirap qilmaydighanliqi toghrisida wede bergen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.