Б д т кишилик һоқуқ комитети рәиси хитайни зиярәт қилиду


2005.06.28
Share on WhatsApp
Share on WhatsApp

Бирләшкән дөләтләр тәшкилати кишилик һоқуқ комитетиниң рәиси лувиза арбор 29 - авғусттин 2 - сентәбир күнигичә хитайни зиярәт қилиду.

Хитай ташқи ишлар министирлиқи баянатчиси лю җйәнчав, лувиза арборниң хитай ташқи ишлар министири ли җавшиңниң тәклипигә асасән 13 -нөвәтлик асия-тинч окян райони кишилик һоқуқ мәслиһәт йиғиниға қатнишидиғанлиқини билдүрди.

Лю җйәнчав, хитай һөкүмити бирләшкән дөләтләр тәшкилати кишилик һоқуқ комитетиниң кишилик һоқуқни қоғдашта ойнаватқан ролиға алаһидә әһмийәт бериду шундақла мәзкур комитет билән һәмкарлиқини күчәйтишни халайду, деди

Йеқиндин бери бирләшкән дөләтләр тәшкилати кишилик һоқуқ комитети кишилик һоқуқни дәпсәндә қиливатқан дөләтләрни әйибләштә вәзиписини орундиялмиғанлиқи үчүн қаттиқ тәнқидгә учраватиду. Буниңдики асаслиқ сәвәп, хитай, куба, судан қатарлиқ дөләтләр мәзкур комитет әзалириниң муһим бир қисмини тәшкилләйдикән.

Йеқинда, бирләшкән дөләтләр тәшкилатиниң баш катиби кофи анан, кишилик һоқуқ комитетини пүтүнләй әмәлдин қалдуруп, униң орниға кишилик һоқуқ мутәхәссислиридин тәшкил тапқан бир кишилик һоқуқ кеңиши қуруп чиқишни тәклип қилди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт