B d t kishilik hoquq komitéti re'isi xitayni ziyaret qilidu


2005.06.28
Share on WhatsApp
Share on WhatsApp

Birleshken döletler teshkilati kishilik hoquq komitétining re'isi luwiza arbor 29 - awghusttin 2 - séntebir künigiche xitayni ziyaret qilidu.

Xitay tashqi ishlar ministirliqi bayanatchisi lyu jyenchaw, luwiza arborning xitay tashqi ishlar ministiri li jawshingning teklipige asasen 13 -nöwetlik asiya-tinch okyan rayoni kishilik hoquq meslihet yighinigha qatnishidighanliqini bildürdi.

Lyu jyenchaw, xitay hökümiti birleshken döletler teshkilati kishilik hoquq komitétining kishilik hoquqni qoghdashta oynawatqan roligha alahide ehmiyet béridu shundaqla mezkur komitét bilen hemkarliqini kücheytishni xalaydu, dédi

Yéqindin béri birleshken döletler teshkilati kishilik hoquq komitéti kishilik hoquqni depsende qiliwatqan döletlerni eyibleshte wezipisini orundiyalmighanliqi üchün qattiq tenqidge uchrawatidu. Buningdiki asasliq sewep, xitay, kuba, sudan qatarliq döletler mezkur komitét ezalirining muhim bir qismini teshkilleydiken.

Yéqinda, birleshken döletler teshkilatining bash katibi kofi anan, kishilik hoquq komitétini pütünley emeldin qaldurup, uning ornigha kishilik hoquq mutexessisliridin teshkil tapqan bir kishilik hoquq kéngishi qurup chiqishni teklip qildi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.