Kofi annan xitayni ziyaret qildi

B d t bash katipi kofi annan jüme küni béyjinggha yétip bérip shimaliy koriye yadro mesilisi, xitay - yaponiye we jenubiy koriye munasiwetlirini sözlishish boyiche élip baridighan ziyaritini bashlidi we shu küni xitay dölet re'isi xu jintaw bilen söhbet élip bardi.

Fransiye axbarat agéntliqining xewer qilishiche, kofi annan jüme küni chüshtin burun yaponiyidiki ziyaritini axirlashturghandin kéyin béyjinggha yétip kélip bu dölettiki 4 künlik ziyaritini bashlighan. Junggo kofi annanning asiya ziyaritining 3 - békiti. U , béyjinggha yétip barghan shu küni xitay dölet re'isi xu jintaw bilen söhbet ötküzüp, asasliqi shimaliy koriye we iran yadro mesilisini muzakire qildi. Xitay xewpsizlik kéngishining iran'gha imbargo qoyushigha qarshi turuwatqan döletlerning biri.

Kofi annan, béyjinggha kélish aldida yaponiye tokyo uniwérsititining pexri doktorluqini qobul qilip, qirghinchiliq xaraktérlik qorallarni cheklesh we b d t islahati heqqide toxtalghan. U, xitay we jenubiy koriyilerni aridiki zémin ixtilabi we tarixtin qépqalghan talash - tartishlar sewebidin kélip chiqqan soghaqchiliqni ongshashqa chaqirdi.

Kofi annan, bu yerdiki nutuqida yaponiye rehberlirining yasikonu buzrukgahini ziyaret qilish herikiti we rayon weziyitidiki jiddiylikler heqqide toxtalghan. Xitay hökümiti yaponiye bash ministirining yasukonini ziyaret qilishigha qarshi chiqmaqta we yaponiye rehberliri bilen yuqiri derijilikler söhbiti élip bérishni ret qilmaqta. Annan béyjingdiki ziyariti jeryanida xitay bash ministiri wén jyabaw bilen körüshidu we béyjing uniwérsitétida nutuq sözleydu. (Erkin)