Birleshken döletler teshkilati kishilik hoquq komitétining yighini bashlandi

Düshenbe küni shiwitsariyining jenwe shehride birleshken döletler teshkilati kishilik hoquq komitétining yilliq yighini bashlandi.

Roytirs agéntliqining xewer qilishiche, hélimu zulumgha uchirighanlarni qoghdash iqtidarigha ige ikenlikini ispatlishi üchün, kündin- kün'ge bisimgha uchrawatqan birleshken döletler teshkilati kishilik hoquq komitétining yilliq yighini 6 hepte dawamlishidiken.

Nurghun kishiler, hetta bezi birleshken döletler kishilik hoquq mutexessisliri, birleshken döletler teshkilati kishilik hoquq komitétini, komitétqa eza döletlerni qoghdashtin bashqa bir ish qilmaywatidu, dep qattiq eyiblimekte.

Xewerlerge qarighanda, xitay, kuba we sudan qatarliq kishilik hoquqni eng köp depsende qiliwatqan döletlerning kishilik hoquq komitétigha eza bolushi, mezkur komitétning étibarigha dexli yetküziwatqan eng muhim amillarning biri iken .

Amérika hökümiti xitay hökümitini xitaydiki az sanliq milletlerni basturiwatidu dep qattiq eyiblimekte . Lékin hazirghiche amérikining bu qétimqi yighin jeryanida kishilik hoquq komitétigha xitayni eyibleydighan bir qarar layihisi sunup- sunmaydighanliqi téxi melum emes. (Qanat)