Хитай америкиниң бермиға җаза қоюш тәшәббусиға қарши туруп кәлмәктә


2006.10.23

'Франсийә агентлиқи' ниң яңгон шәһиридин 23 ‏- өктәбир күни хәвәр қилишичә, хитай азадлиқ армийисиниң баш штап башлиқи ляң гуаңлйе дүшәнбә күни, берминиң пайтәхти найбито шәһиригә келип, берминиң йеңи мәмури рәһбири тан вей билән көрүшкән.

Берма хитайниң сода җәһәттики муһим сәпдеши. Узун йиллардин буян, берма үчүн ейтқанда, хитай билән сода қилиш интайин муһим һалқа болуп кәлмәктә. Һазир хитай берминиң деңиз армийә базиси вә деңиз қатниши қурулушиға ярдәм бериватиду. Гәрчә 'берма маяки' гезитидә, хитай генерали ляңниң бу қетимқи зиярити берминиң сабиқ генерали маң айниң тәкилипигә асасән болған, дәп ениқлима берилгән болсиму, әмма бу зиярәтниң мәзмуни пәқәт баян қилинмиған.

Хәвәрдә ейтилишичә, 1962 ‏- йилидин буян һәрбий гуруһлар һоқуқ тутуп келиватқан бермида, дөләт рәһбәрлири кишилик һоқуқ рекортини яхшилашқа қаршилиқ қиливатқанлиқи, дөләт ичидә демократийини чәткә қаққанлиқи сәвәбидин ғәрб әллириниң тәнқидигә учрап, хәлқарада йетим қалмақта. Бермида йүз берип келиватқан зәһәрлик чекимлик әткәсчилики, кишилик һоқуқ дәпсәндичилики, әйдиз кесәлликиниң тарқилишини тизлитиш қатарлиқ мәсилииләрни һәл қилиш үчүн, гәрчә америка б д т да бермиға иқтисадий җаза қоллинишни тәшәббуси қилип келиватқан болсиму, әмма хитай буниңға рәт қилиш һоқуқини қоллинип кәлмәктә. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.