Xitay amérikining bérmigha jaza qoyush teshebbusigha qarshi turup kelmekte

'Fransiye agéntliqi' ning yanggon shehiridin 23 ‏- öktebir küni xewer qilishiche, xitay azadliq armiyisining bash shtap bashliqi lyang gu'anglyé düshenbe küni, bérmining paytexti naybito shehirige kélip, bérmining yéngi memuri rehbiri tan wéy bilen körüshken.

Bérma xitayning soda jehettiki muhim sepdéshi. Uzun yillardin buyan, bérma üchün éytqanda, xitay bilen soda qilish intayin muhim halqa bolup kelmekte. Hazir xitay bérmining déngiz armiye bazisi we déngiz qatnishi qurulushigha yardem bériwatidu. Gerche 'bérma mayaki' gézitide, xitay générali lyangning bu qétimqi ziyariti bérmining sabiq générali mang ayning tekilipige asasen bolghan, dep éniqlima bérilgen bolsimu, emma bu ziyaretning mezmuni peqet bayan qilinmighan.

Xewerde éytilishiche, 1962 ‏- yilidin buyan herbiy guruhlar hoquq tutup kéliwatqan bérmida, dölet rehberliri kishilik hoquq rékortini yaxshilashqa qarshiliq qiliwatqanliqi, dölet ichide démokratiyini chetke qaqqanliqi sewebidin gherb ellirining tenqidige uchrap, xelq'arada yétim qalmaqta. Bérmida yüz bérip kéliwatqan zeherlik chékimlik etkeschiliki, kishilik hoquq depsendichiliki, eydiz késellikining tarqilishini tizlitish qatarliq mesili'ilerni hel qilish üchün, gerche amérika b d t da bérmigha iqtisadiy jaza qollinishni teshebbusi qilip kéliwatqan bolsimu, emma xitay buninggha ret qilish hoquqini qollinip kelmekte. (Weli)