Бермидики чин миллитиниң мусапирлири америкидин паналиқ телимәктә

Франсийә агентлиқиниң банкоктин хәвәр қилишичә, бермидики чин дәп атилидиған йәрлик милләттин 80 миң мусапир һазир тайланд, малашя, һиндистан қатарлиқ дөләтләрдә туруватиду. Чинлардин йәнә нурғун киши юртлирини ташлап берминиң шимал тәрипигә келип, берминиң һазирқи миллитарст һөкүмитигә қарши көрәш қиливатиду.

Хәвәрдә баян қилнишичә, 1988 ‏- йиллидин башлап бермидин ибарәт бу буддизим дөлитидә аптономийә тәләп қиливатқан чинлар берминиң милитарист һакимийитигә қарши көришини тохтатқини йоқ. Америка һәр йили оттура һесаб билән муһаҗирәттики 2000 чин мусапириға хәйрхалиқ қилип виз бериватиду. Кишилик һоқуқ тәшкилатлириниң қанун мәслиһәтчиси әми аликсандир ханим бермидики чинларниң амеркидин паналиқ теләватқанлиқи һәққидә тохталғанда 'әмди чинларға нормал турмуш көчүрүш имканийити туғулиду' дегән. (Вәли)