Dunyawiy shexsler xitayni bérmigha bésim ishlitishke ündidi


2007-10-05
Share

Fransiyining sabiq bash ministiri li'onél jospin, irlandiye prézidénti mariy robénsonlarni öz ichige alghan 20 neper dunyawiy shexs jüme küni xitay dölet re'isi xu jintawgha xet yézip, xitayning öz tesir küchini ishlitip bérma herbiy da'irilirini öktichi küchler bilen söhbet élip bérishqa qayil qilishqa chaqirdi. Sabiq rehberlerning xétini norwégiyining sabiq bash ministiri kjéll magné bondéwik, xitayning oslodiki bash elchisige tapshurghan.

Xette,"möhterem re'isi xu , bizning bu xetni yézishimizdiki meqset bérmidiki memliket xaraktérlik namayish we sheher kochilirida namayishchilarni oqqa tutush seweblik bérmida tinchliqni we milliy yarishishni qollishingizni sorashtur " dep tekitligen. Sabiq rehberlerning xétide yene, " biz xitayning bérma herbiy da'irilirini öktichiler rehbiri angsen suchi we bérmidiki étnik milletler bilen tinch söhbet ötküzüshke qayil qilishta ijabiy rol oyniyalaydighanliqigha ishinimiz," deydu.

Bérma démokratiye ittipaqi jüme küni bérma herbiy da'irilirining angsen suchi bilen körüshüsh teklipi éghir shertler bilen otturigha qoyulghan bolsimu, lékin suchi xanim bu teklipni " ijabiy bisharet", dep oylishidighanliqini bildürdi.

Sabiq rehberlerning xétide yene, xitayni b d t xewpsizlik kéngishining bérmigha qoral - yaraq imbargosi qoyush qararini we on nechche yildin béri herbiy da'iriler teripidin a'ile nezerbentide tutup turuluwatqan angsen suchi xanimni qoyup bérish toghrisidiki xelq'ara heriketni qollashqa chaqirdi. Bu xetke imza qoyghan sabiq rehberler ichide yene norwégiye bash ministiri bruntland, braziliye prézidénti kardoso, filipinning prézidénti akyono, chéx jumhuriyitining prézidénti waslaw xawéllar bar. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet