B d t , bérma hökümitidin qilmshidin hésabat bérishni telep qildi


2007-10-02
Share

Réturs agéntliqining 2-öktebir jenwedin xewer qilishiche, b d t kishlik hoquq aly komitéti , bérma herbiy hökümitini, bérmidiki basturush herkitide ölgen we qolgha élin'ghanlar heqqide toluq hésap bérishke chaqirdi.

B d t kishlik hoquq aly komitétining bashliqi losé arbo'ur xanim, chaqiriqida " bérma hökümiti, emdi bundin kéyin, béshini ichige tiqiwélish bilen mes'uliyettin qéchip qutulalmaydighanliqini bilishi kérek," dep eskertti. U chaqiriqida, bérma hökümitidin, namayishni basturush jeryanida élip barghan heriketlirini tepsiliy sherhilishini , ölgenlerning sanini éniq we toluq bérishni, qolgha élin'ghanlarning turiwatqan adrisni körsütushni telep qildi.

Arbo'ur xanim bu chaqiriqini, yawropa ittipaqining teliwige asasen , komitétning 47 neper ezasini toplap achqan mexsus bérma mesilisi yighinida otturigha qoydi.

Bérma hökümiti namayishta ölgenlerning sanini 10 dep élan qilghan idi. Mezkur chaqiriqning arqisidin, bérma hökümitining jenwede wezipe ötewatqan mes'ul xadimi nunt sé bérmining démokratiyige qarap ilgirilewatqanliqini, bu qétimqi namayishning arqisida dölet ichi sirtidiki buzghunchi küchlerning roli barliqini , xelqara jama'et bérma mesilisige arilashtim dep, ot üstige yagh chachmasliqini eskertken we sözining axirida, b d t bilen birlikte ish élip bérishning bérmaning tashqi siyasitiddiki muhim pirinsip ikenligini we bu hemkarliqini hélimu dawamlashturidighanliqini bildürgen. (Shöhret hoshur)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet