Америка кеңәш палата әзалири берма мәсилисидә хитайни тәнқид қилди


2007.10.04
Share on WhatsApp
Share on WhatsApp

Америка кеңәш палата әзалири америкиниң хитай билән һиндистанға , буддист раһиплар вә демократийә паалийәтчилириниң намайишини бастурған берма һәрбий даирилири билән мунасивитини үзүш тоғрисида җиддий бесим ишлитишни тәләп қилди.

Кеңәш палата әзаси җон кәррий, чаршәнбә күни кеңәш палатаси ташқи мунасивәтләр комитетидики испат бериш йиғинида хитайни агаһландуруп, әгәр хитай берма билән болған зич иқтисади мунасивитидин пайдилинип бермида өзгириш ясимиса, 2008 ‏- йили өткүзүлидиған бейҗиң олимпик йиғиниға көләңгә чүшиду, дәп көрсәтти. У йәнә, "хитай, раһипларни будда ибадәтханилиридин тазилашниң қобул қилғили болмайдиғанлиқини биливелиши керәк "дәп агаһландурди.

Йиғинда җумһурийәтчи кеңәш палата әзаси мич микконнел,хитай билән һиндистанниң берма мәсилисидики мәйданини әйибләп, "уларниң позитсийиси демократийә тәрәпдарлирини қоллайдиған позитсийә әмәс " деди. Берма һәрбий даирилири раһипларниң намайишини бастурғандин кейин, б д т баш катипи бан ке мун алаһидә вәкили ибраһим гамбәрини бермиға әвәтип, тәрәпләрни яраштурмақчи болған иди. Лекин бан ке мун, чаршәнбә күни гамбәриниң берма сәпирини" мувәппәқийәтлик болди дәп қариғили болмайду "дәп көрсәтти. Бан ке мунниң әскәртишичә, б д т хәвпсизлик кеңишиниң әзалири җүмә күни йиғин ечип, бермиға буниңдин кейин қоллинидиған һәрикәтни музакирә қилидикән.

Лекин гамбәриниң берма сәпиригә хитай иҗабий баһа бәрди. Хитай ташқи ишлар министирлиқи баянатчиси лю җйәнчав," берма һөкүмити билән гамбәри арисида елип берилған сөһбәткә иҗабий баһа беримиз " дәп тәкитлигән. Хитай берма һәрбий даирилириниң тинч намайишчиларни бастурғанлиқини әйиблимигән иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.