Amérika kéngesh palata ezaliri bérma mesiliside xitayni tenqid qildi


2007-10-04
Share

Amérika kéngesh palata ezaliri amérikining xitay bilen hindistan'gha , buddist rahiplar we démokratiye pa'aliyetchilirining namayishini basturghan bérma herbiy da'iriliri bilen munasiwitini üzüsh toghrisida jiddiy bésim ishlitishni telep qildi.

Kéngesh palata ezasi jon kerriy, charshenbe küni kéngesh palatasi tashqi munasiwetler komitétidiki ispat bérish yighinida xitayni agahlandurup, eger xitay bérma bilen bolghan zich iqtisadi munasiwitidin paydilinip bérmida özgirish yasimisa, 2008 ‏- yili ötküzülidighan béyjing olimpik yighinigha kölengge chüshidu, dep körsetti. U yene, "xitay, rahiplarni budda ibadetxaniliridin tazilashning qobul qilghili bolmaydighanliqini biliwélishi kérek "dep agahlandurdi.

Yighinda jumhuriyetchi kéngesh palata ezasi mich mikkonnél,xitay bilen hindistanning bérma mesilisidiki meydanini eyiblep, "ularning pozitsiyisi démokratiye terepdarlirini qollaydighan pozitsiye emes " dédi. Bérma herbiy da'iriliri rahiplarning namayishini basturghandin kéyin, b d t bash katipi ban ké mun alahide wekili ibrahim gamberini bérmigha ewetip, tereplerni yarashturmaqchi bolghan idi. Lékin ban ké mun, charshenbe küni gamberining bérma sepirini" muweppeqiyetlik boldi dep qarighili bolmaydu "dep körsetti. Ban ké munning eskertishiche, b d t xewpsizlik kéngishining ezaliri jüme küni yighin échip, bérmigha buningdin kéyin qollinidighan heriketni muzakire qilidiken.

Lékin gamberining bérma sepirige xitay ijabiy baha berdi. Xitay tashqi ishlar ministirliqi bayanatchisi lyu jyenchaw," bérma hökümiti bilen gamberi arisida élip bérilghan söhbetke ijabiy baha bérimiz " dep tekitligen. Xitay bérma herbiy da'irilirining tinch namayishchilarni basturghanliqini eyiblimigen idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet