Bérmida rahiplar bügün yene namayish qildi


2007-10-31
Share

Roytrs agéntliqning ran'gun shehiridin xewer qilishiche, bügün bérmida yene 100 din artuq budda rahipliri ran'gun shehiridin 600 kilométir yiraqliqtiki pakuku dégen sheherchide namayish qilghan. Ular bügünki namayishta peqet dini pa'aliyet élip bérish bilenla shughullan'ghan.

Birleshme agéntliqining taylandtin xewer qilishiche, xelq'ara kishilik hoquq teshkilatliri bügün bayanat élan qilip, bérma herbiy hökümitining qéchip ketken eskerlerning ornini toldurush üchün hetta 10 yashliq kichik balilarnimu mejburiy eskerlikke tutuwatqanliqini qattiq eyibligen.

Xewer arxiplirigha qarighanda, xitayning bérmida néfit échish herikiti dawamida, néfit mehsulatlirining bahasi örlep ketkenliktin, jem'iyette qattiq naraziliq peyda bolghan. Jem'iyettiki naraziliq ewj élip, hetta budda rahiplirimu hökümetke qarshi namayish qilishqa mejbur bolghan. Bérmidiki rahiplar namayishi 8 ‏- aydin bashlap qanliq basturulushqa bashlighan.

Birleshken döletler teshkilati bérma herbiy hökümitige bésim ishletken bolsimu, emma bérma herbiy hökümiti namayish qilghan xelqni basturushni dawamlashturup kelmekte. Bu jeryanda, xelq'araning bérma hökümitige jaza qollinishi izchil türde xitay hökümitining tosqunluqigha uchrap kelmekte. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet