Xelq'ara jama'et bérmida yüz bériwatqan toqunushni peseytishke tirishmaqta


2007-09-27
Share

Yawrupa ittipaqi peyshenbe küni kechte amérika bilen ortaq bayanat élan qilip, özlirining ténchliq yosunda namayish élip bériwatqan birmiliqlarni qollaydighanliqini ipadilesh bilen birlikte, birma herbiy hökümitining zorawanliq wastilirini qollinip namayishchilarni basturush qilmishini eyiblidi.

Bérma rahibliri bilen xelqining démokratiye berpa qilish üchün élip barghan pa'aliyiti bashlinip bir heptidin kéyin, birma herbiy hökümiti mezkür heriketni qoralliq basturushqa bashlidi.

Birleshme bayanatta yene, bérma rehbirige alahide agahlandurush bérilgen bolup, birma bixeterlikni saqlash qisimlirining namayishchilargha qaritip oq chiqirishqa oxshash basturmichiliqining mes'uliyitini birma rehbirining öz üstige élishi telep qilin'ghan.

" Biz , birma da'irilirining xelqni basturush herikitini toxtitip, birma siyasiy öktichilirining rehbiri meshhur kishilik hoquq pa'aliyetchisi ensang suchi xanim hemde az sanliq millet wekillirini öz ichige alghan démokratiyini qollighuchi rehberler bilen di'alog élip bérishini xalaymiz " déyilgen mezkür bayanatta yene, xitay , hindistan sherqiy jenubiy asiya döletliri ittipaqi hemde bérmigha qoshna döletlerning birma xelqini qollishi teshebbüs qilin'ghan.

Bu arida birleshken döletler teshkilati alahide wekilini bérmigha ewetip ikki terep otturisida muresse qilip , jiddiy weziyetni peseytishke buyridi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet