Sherqiy jenubiy asiya ittipaqi bérmini eyiblidi, lékin xitay eyibleshni ret qildi


2007-09-28
Share

Sherqiy - jenubiy asiya elliri ittipaqi jüme küni bashqa döletlerning ichki ishlirigha arilashmasliq qa'idisini buzup, tarixida tunji qétim bashqa döletlerni eyibleydighan bayanat élan qildi. Bayanatta, bérma herbiy da'irilirining démokratiye telep qilghan tinch namayishchilarni basturghanliqi kishini"yirgendüridighan" qilmish, dep eyiblidi.

Xewerlerge qarighanda bérma herbiy hökümiti yéqinqi 2 kün ichide az dégende 10 neper démokratiye telep qilghuchi namayishchini étip öltürgen. Sherqiy jenubiy asiya elliri ittipaqi bérma herbiy hökümitidin zorawanliqni toxtitip, barliq siyasiy mehbuslarni qoyup bérish, jümlidin bérma démokratiye herikitining rehbiri angsen suchini qoyup bérishni telep qildi.

Sh j a e i ning bu nöwetlik re'is döliti, sin'gapor tashqi ishlar ministiri jorj yow, b d t ning nyu yorktiki yighini jeryanida, "bérma zorawanliq siyasitini özgertmise, u pütün sherqiy jenubiy asiyani talapetke sörep kirishi mumkin " dep agahlandurdi. U yene, bérmining sherqiy - jenubiy asiya ittipaqidiki döletlerge dexli - teruz yetküzüwatqanliqini tekitligen. Lékin bérmining dunyadiki eng yéqin dosti xitay, bérma herbiy da'irilirini ashkara eyibleshni ret qilip, peqet bérmidiki toqunushiwatqan tereplerning özini tutuwélishini tewsiye qildi.

Yaponiye metbu'atlirining xewer qilishiche, yaponiye bash ministiri yasu fukuda xitay bash ministiri wén jyabaw bilen téléfonda sözliship, bérmidiki weziyetni tinjitishta yardemchi bolushni telep qilghan. Wén jyabaw bolsa bérmigha nesihet qilidighanliqini bildürgen. Buning aldida xitay amérika we yawropa döletlirining b d t xewpsizlik kéngishi bérma herbiy da'irilirini eyibleydighan qarar chiqirish telipige qarshi chiqqan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet