Karlos: xitay, amérikida békinmichilik keypiyatining shekillinishike türtke bolmaqta

Xitaydiki ziyaritini axirlashturghan amérika soda ministiri karlos gutiréz charshenbe küni xitayni agahlandurup, xitayning soda bazirini erkin qoyiwetmesliki sewebidin, nöwette amérikida özini qoghdash xaraktéridiki békinmichilik keypiyatining barghanséri éshiwatqanliqini bildürdi.

Amérika birleshme agéntliqining xewer qilishiche, karlos béyjingdiki amérikining soda erbablirigha qilghan sözide, "amérika dölet mejlisining xitaygha soda cheklimisi qoyush mesilsi'ide qanun layihisi tüzüp chiqishning özi, amérikida békinmichilik dewrige qedem qoyush krizisining mewjutliqini ekis ettüridu" dep bildürgen.

Karlos sözide yene, bu ehwalning amérikigha paydisiz bolupla qalmastin, xitay özige hemde xitayning emdi yétiliwatqan ajiz iqtisadighimu ziyanliq ikenlikini éytti. U " biz xitayning eng chong mal sétiwalghuchisi. Eger bundaq chong mal sétiwalghuchi orun erkin bazardin békinmichi bazargha özgerse, u chaghda bu xitayning iqtisadiy we jem'iyitige zor tesir körsitidu" deydu.

Amérikining xitay bilen bolghan passip soda balanisi hazir 202 milyard amérika dollirigha yetken bolup, xitay hökümiti amérikining teklipini qobul qilmay, bazarni erkin qoyuwétish jehette küch chiqiralmighanliqi üchün, amérikida hazir özini qoghdash xaraktéridiki békinmichilik keypiyatini shekillendürüp qoymaqta. (Peride)