Amérika bin ladinning teklipini ret qildi

• 
  2006-01-19

Amérika hökümiti, 19 ‏- yanwar küni elqa'ide teshkilatining re'isi osma bin ladinning urush toxtitish toghrisidiki shertlik teklipini ret qilip, amérikining térrorchilar bilen söhbetleshmeydighanliqini bildürdi.

Amérikining mu'awin prézidénti dik chéni elqa'ide teshkilati rehbirining teklipi bir taktika bolushi mumkin, lékin bu tekliptin bir xulase chiqirish üchün téxi etigen, dédi

Eljezire téléwiziyisi 19- yanwar küni osma bn ladinning bir sin'alghu lintisigha ilin'ghan bayanatini körsetti. Osma bin ladin bayanatida, bir tereptin amérika bilen urushni toxtitishqa teyyar ikenlikini bildürüp, yene bir tereptin elqa'ide teshkilatining amérika zéminida yéngi hujumlar élip bérish üchün teyyarliniwatqanliqini tekitligen.

Aqsarayning bayanatchisi skot makmilan, elqa'ide rehberliri we bashqa térrorchilarning qachidighan yer izlewatqanliqi éniq. Ular qattiq bésm astida, biz térrorchilar bilen söhbetleshmeymiz. Bu urushni térrorchilar bashlidi. Prézidént bush éytqandek, bu urushni biz özimiz xalighan bir jayda we özimiz xalighan bir waqitta ayaqlashturimiz, dédi.

Bin ladin sin'alghudiki bayanatida, amérika bilen urushni toxtitish üchün néme sherti bar ikenliki toghrisida éniq bir néme démigen, lékin shertining amérika qisimlirining iraqtin chikinip chiqishi bilen munasiwetlik ikenliki heqqide bisharet bergen. (Qanat)