Пакистан бин ладинниң қайси йәрдә икәнликини билмәйдиғанлиқини билдүрди


2006.09.25

Пакистан һөкүмити, осама бин ладинниң қайси йәрдә йошурунғанлиқи, өлүк яки тириклики тоғрисида һечқандақ мәлуматқа игә әмәсликини билдүрди.

Франисйидә чиқидиған "җумһурийәт" гезити өткән һәптә ахири франсийә ахбарат идарисиниң бир доклатини қолға чүшүргән болуп, мәзкур доклатта, осама бин ладинниң өткән ай пакистанда кесәл билән өлгәнлики билдүрүлгән. Әмма йәкшәнбә күни франсийә ташқи ишлар министирлиқи осама бин ладинниң өлгәнлики һәққидә һечқандақ мәлумати йоқлиқини билдүрди.

Бин ладинниң пакистан- афғанистан чегрисидики тағлиқ районда йошурунғанлиқи пәрәз қилинмақта. Афғанистан президенти һамид кәрзәй йәкшәнбә күни бәргән баянатида, бин ладин пакистанда болуши мумкин, деди.

Лекин пакистан ташқи ишлар миниситирлиқиниң баянатчиси тасним әсләм дүшәнбә күни исламабадта өткүзгән мухбирларни күтүвелиш йиғинида бәргән баянатида, биз осама бин ладинниң қайси йәрдә икәнликини билмәймиз. Бизниң униң өлүк яки тириклики һәққидә һечқандақ мәлуматимиз йоқ, деди. Пакистанниң талибан қалдуқлириға ярдәм бериватқанлиқи тоғрисидики хәвәрләрни рәт қилған тасним әсләм талибан рәһбәрлириниң афғанистанниң ичидә икәнликини тәкитләп, бин ладин афғанистанда болуши мумкинлиқини билдүрди.

Афғанистан һөкүмәт даирилири, талибан рәһбәрлириниң пакистанда йошурунғанлиқини вә пакистанда туруп афғанистанға қарита һуҗумлар пиланлаватқанлиқини баян қилмақта. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.