Amérika her qaysi tereplerni "birleshme bayanat" ni ijra qilishqa dewet qildi

Amérika hökümet da'iriliri, charshenbe küni shimaliy koriyining tinch yollargha ishlitilidighan yadro qazini bérish telipini ret qildi. Emma alte terep söhbitide birlikke kelgen birleshme bayanatning ijra qilinidighanliqigha ishenchisini bildürdi.

Seyshenbe küni shimaliy koriye amérikidin tinich yollargha ishlitilidighan yadro qazini bérishni telep qilip, uninggha érishmigiche yadro pilanidin waz kechmeydighanliqini bildürgen idi.

Shu küni amérikining tashqi ishlar ministiri kondiliza rayis b d t de qilghan sözide, amérikining shimaliy koriyining telipi arqidin qoghliship mangmaydighanliqini bildürdi. U yene, "eger her qaysi terep düshenbe küni kélishken birleshme bayanatta ching turalisa, u halda biz choqum netijilerni qolgha keltüreleymiz" dédi.

Roytirs agéntliqining xewirige qarighanda, bashqa döletler we xelq'ara atom énérgiye orginimu charshenbe küni pyongyangni yadro pilanidin waz kéchish wediside ching turushqa chaqirghan.

Emma, amérika birleshme axbarat agéntliqining bildürüshiche, pyongyang charshenbe küni yene amérikini qattiq tenqidlep, "amérika awwal yadro qorallarni tartiwalghandin kiyin, andin shimaliy koriyini berbat qilmaqchi boldi" dep eyiblidi. Xewerde éytilishiche, bu düshenbe küni béyjingda maqullan'ghan " alte terep ortaq bayanati" ning emelge éshishining anche asan'gha chüshmeydighanliqidin dérek béridiken. (Arzu)