ئامېرىكا بىلەن ياپونىيە، تەيۋەننى ئىككى دۆلەت خەۋپسىزلىك رامكىسىنىڭ ئىچىگە ئالىدۇ
2005.02.18
ئامېرىكا بىلەن ياپونىيە تەيۋەن بوغۇزىنىڭ بىخەتەرلىكىنى ئىككى دۆلەت خەۋپسىزلىك رامكىسىنىڭ ئىچىگە ئېلىشى مۈمكىن.
"ۋاشىنگتون پوچتا گېزىتى"، ئامېرىكا بىلەن ياپونىيىنىڭ ھەرىكىتى بېيجىڭ دائىرىلىرىنىڭ غەزىپىنى قوزغايدىغانلىقىنى ئىلگىرى سۈردى. "ۋاشىنگتون پوچتا گېزىتى" نىڭ ئاشكارىلىشىچە، تەيۋەن بوغۇزىنى ئامېرىكا - ياپونىيە خەۋپسىزلىك رامكىسىنىڭ ئىچىگە ئېلىش كېلىشىمى، شەنبە كۈنى ئامېرىكا تاشقى ئىشلار مىنىستىرى كوندىلىزا رايىس بىلەن دۆلەت مۇداپىئە مىنىسىتىرى دونالد رامسفىلد ، ۋاشىنگتوندا ياپونىيە دۆلەت مۇداپىئە مىنىستىرى يوشىنورى ئونۇ بىلەن كۆرۈشكەندىن كېيىن ئېلان قىلىنىدىكەن.
ياپونىيىنىڭ تەيۋەندە تۇرۇشلۇق ئالاھىدە ۋەكىلى كو سې-كوي، " بۇ ياپونىيىنىڭ تەيۋەن مەسىلىسىدە تۇنجى قېتىم ئېنىق ئىپادە بىلدۈرۈشى،" دەپ كۆرسەتتى. ياپونىيە تەيۋەن مەسىلىسىدە بىۋاستە ئىپادە بىلدۈرۈشتىن ھازىرغا قەدەر ئۆزىنى قاچۇرۇپ كەلگەن.
كو سې - كوي، " ياپونىيىنىڭ تەيۋەن مەسىلىگە ئەمدى بىۋاستە كۆڭۈل بۆلىۋاتقانلىقىنى" بىلدۈردى. يوشىنورى ئونۇ بىلەن ياپونىيە تاشقى ئىشلار مىنىستىرى نوبۇتاكا ماچىمۇرا جۈمە كۈنى ۋاشىنگتونغا قاراپ يولغا چىققان. "ۋاشىنگتون پوچتا گېزىتى"، ياپونلار بۇش ھۆكۈمىتىنىڭ تەيۋەن بوغۇزىدىكى بىخەتەرلىكنى ئىككى دۆلەت ئوتتۇرىسىدىكى " ئورتاق ئىستراتېگىيىلىك نىشان،" دەپ تەرىپلىشىگە قوشۇلىدىغانلىقىنى بىلدۈردى.
فرانسىيە ئاخبارات ئاگېنتلىقىنىڭ خەۋەر قىلىشىچە، ئامېرىكا ھۆكۈمىتىدىكى ئەمەلدارلار، ئامېرىكىلىقلارنىڭ ياپونىيىلىك مىنىستىرلار بىلەن تەيۋەن بوغۇزى ۋەزىيىتىنى ئۆز ئىچىگە ئالغان ئاسىيادىكى بىخەتەرلىك مەسىلىلىرى بويىچە سۆھبەت ئېلىپ بارىدىغانلىقىنى ئاشكارىلىغان. (ئەركىن)
مۇناسىۋەتلىك ماقالىلار
- ئامېرىكىنىڭ خىتاي ھەربىي تەھدىدى توغرىسىدىكى قارىشى بېيجىڭ دائىرىلىرىنى غەزەپلەندۈردى
- ئامېرىكا مەركىزى ئاخبارات ئىدارىسى خىتاينىڭ ھەربىي قۇرۇلۇشىنى كۈچەيتىشىنى تەھدىد ھېسابلايدىكەن
- ئامېرىكا ئاۋام پالاتاسى تەيۋەن بىلەن دىپلوماتىك ئالاقىنى ئەسلىگە كەلتۈرۈش ھەققىدە قارار لايىھىسى ئوتتۇرىغا قويدى
- خىتاينىڭ ھەربىي تەييارلىقى ئاسىيادىكى مۇقىمسىزلىق ئامىلى دەپ قارالماقتا
- مۇتەخەسسىسلەر ئامېرىكا دۆلەت مەجلىسىدە خىتاينى يوشۇرۇن تەھدىت دەپ كۆرسەتتى
- ئامېرىكىنىڭ تەيۋەندىكى باش ئەلچىخانىسى ۋەزىپىسىدىكى ئىنستىتۇتى بىنا سېلىش ئۈچۈن 99 يىللىق ئىجارىگە قول قويدى
- ئامېرىكا بىلەن ياپونىيىنىڭ بىخەتەرلىك باياناتى خىتاينى نىشانلىغان