Amérika bilen yaponiye, teywenni ikki dölet xewpsizlik ramkisining ichige alidu


2005-02-18
Share

Amérika bilen yaponiye teywen boghuzining bixeterlikini ikki dölet xewpsizlik ramkisining ichige élishi mümkin.

"Washin'gton pochta géziti", amérika bilen yaponiyining herikiti béyjing da'irilirining ghezipini qozghaydighanliqini ilgiri sürdi. "Washin'gton pochta géziti" ning ashkarilishiche, teywen boghuzini amérika - yaponiye xewpsizlik ramkisining ichige élish kélishimi, shenbe küni amérika tashqi ishlar ministiri kondiliza rayis bilen dölet mudapi'e minisitiri donald ramsfild , washin'gtonda yaponiye dölet mudapi'e ministiri yoshinori onu bilen körüshkendin kéyin élan qilinidiken.

Yaponiyining teywende turushluq alahide wekili ko sé-koy, " bu yaponiyining teywen mesiliside tunji qétim éniq ipade bildürüshi," dep körsetti. Yaponiye teywen mesiliside biwaste ipade bildürüshtin hazirgha qeder özini qachurup kelgen.

Ko sé - koy, " yaponiyining teywen mesilige emdi biwaste köngül böliwatqanliqini" bildürdi. Yoshinori onu bilen yaponiye tashqi ishlar ministiri nobutaka machimura jüme küni washin'gton'gha qarap yolgha chiqqan. "Washin'gton pochta géziti", yaponlar bush hökümitining teywen boghuzidiki bixeterlikni ikki dölet otturisidiki " ortaq istratégiyilik nishan," dep teriplishige qoshulidighanliqini bildürdi.

Fransiye axbarat agéntliqining xewer qilishiche, amérika hökümitidiki emeldarlar, amérikiliqlarning yaponiyilik ministirlar bilen teywen boghuzi weziyitini öz ichige alghan asiyadiki bixeterlik mesililiri boyiche söhbet élip baridighanliqini ashkarilighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet