Rusiyilik namayishchilar: amur deryasi xungxé emes

Rusiyining xabarowski shehiridiki puqralar jüme küni bu sheherdiki xitay konsulxanisi aldida namayish ötküzüp, xabarowskiyda rusiye da'iriliri bilen yighin échiwatqan xitay emeldarliridin amur deryasining bulghinish ehwali toghrisida téximu köp uchurlar bilen teminleshni telep qildi. Shuning bilen birge xitay hökümiti shu küni otturidiki sürkilishni yumshitish üchün rusiyini 150 tonna karbon we bulghinish ehwalini közütüsh eswabliri bilen teminleshke wede qilghan. Xitay hökümiti 13 - noyabirda jilindiki néfit - ximiye zawutida yüz bergen partlash weqesini yoshurup, sungxu'ajyang deryasining bulghinishini keltürüp chiqarghandin kéyin rusiyidin epu sorighan idi.

Rusiye metbu'atlirining xewer qilishiche, rusiyidiki milletchi rodina partiyisining ezaliri we herbiy porma kiygen bir qisim kazaklar, xitay konsulxanisining aldida " amur deryasi xu'angxé emes," dégen sho'arlarni towlighan. Xitay tashqiy ishlar ministirliki bayanatchisi chin gang jüme küni rusiye bilen xitayning hazirghiche tölem tölesh mesilisi üstide söhbet ötküzüp baqmighanliqini bildürdi. Sungxu'ajyang weqesi rusiyining xabarowski chégra rayonida xitaygha qarshi keypiyatni kücheymekte. (Erkin)