Xitay puqraliri muhit bulghinish mesilisi nöwette hel qilishqa tégishlik muhim mesile diyishmekte


2007.02.25

Shinxu'a agéntliqi yekshenbe küni 2007 ‏- yilliq ikki qurultay mezgilide, puqralarning köngül böliwatqan muhim mesilliri üstide tekshürüsh élip bérip, bu heqte deslepki doklatni élan qildi.

Xitayda xelq qurultiyi we siyasiy kéngesh qurultiyi échilish harpisida, mezkür ikki yighin heqqide éntérnét tor bétide xelqning rayini sinash élip bérilghan bolup, 90 % tin artuq éntérnét mushtilirining qarishiche, xitayning muhitni qoghdash xizmitining yaxshi élip bérilmaywatqanliqi inkas qilin'ghan.

Muhitni qoghdash mesiliside, 1400 ademning ichide 5.90 Pirsent adem muhit mesilisi, jiddi bir terep qilinmisa bolmaydighan muhim mesile dep bildürse yene 28 . 55 % Adem suning bulghinish mesilisge ehmiyet béridighanliqini bildürgen.

Xitay hawa rayi idarisining bashliqi yéqinda xitayning shimalida yüz bergen qurghaqchiliq hemde qishta hawaning pewqullade issip kétish haletlirining heqiqeten muhitni bulghash tüsini alghan zawut karxanilarning is - tütekliri bilen zich munasiwetlik ikenlikige iqrar qilghan.

Nöwette Uyghur élining muhit bulghinish ehwalimu intayin éghir bolup, zawut karxanilarni sheher merkezlirige orunlashturush, qalaymiqan orman késish qatarliq mesililer muhitning bulghunishini meydan'gha keltüriwatqan asasliq amillardin hésablinidiken. Istansimizgha kelgen inkaslardin melum bolishiche, Uyghur élida suning bulghinish ehwali téximu éghir bolup, Uyghur déhqanliri bulghan'ghan paskina sularni ichip türlük késelliklerge giriptar bolghan. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.