خىتاي ھۆكۈمىتى پرېزىدېنت بۇشنى پۈتۈن دۇنيانى سوراشقا تېرىشىۋاتىدۇ دەپ ئەيىپلىدى


2004-11-01
Share

ئامېرىكا بىرلەشمە ئاگېنتلىقىنىڭ خەۋەر قىلىشىچە، خىتاي ھۆكۈمىتى ئامېرىكىدا ئۆتكۈزۈلىدىغان پرېزىدېنت سايلىمى ھارپىسىدا، ئامېرىكا پرېزىدېنتى بۇشنى پۈتۈن دۇنيانى باشقۇرۇشقا ئۇرۇنىۋاتىدۇ دەپ ئەيىپلىدى.

خىتاينىڭ مۇئاۋىن باش مىنىستىرى چەن چىچەن تەرىپدىن ئەنگلىزچە چىقىدىغان خىتاي كۈندىلىك گېزىتىدە ئېلان قىلىنغان بىر ئوبزوردا ئېيتىلىشىچە، ئىراقنىڭ ئامېرىكا قىسىملىرى تەرىپىدىن ئىشغال قىلىنىشى خەلقئارا تېررورچىلىققا قارشى ئىتتىپاقنى پارچىلاپ، دۇنيادىكى دىنىي ۋە مىللىي توقۇنۇشلارنى تېخىمۇ كەسكىنلەشتۈرىۋەتكەن.

خەۋەرلەرگە قارىغاندا، چەن چىچەن نىڭ بۇ تەنقىدى، خىتاي ھۆكۈمىتىنىڭ ھازىرغىچە ئامېرىكا پرېزىدېنت سايلىمى توغرىسىدا پىكىر بايان قىلماسلىق ۋە پرېزىدېنت كاندىداتلىرى ھەققىدە ئىپادە بىلدۈرمەسلىك پرىنسىپىدىن ۋاز كەچكەنلىكىنى كۆرسىتىدىكەن.

ئامېرىكا بىرلەشمە ئاگېنتلىقىنىڭ بىلدۈرۈشىچە، گەرچە خىتاي ھۆكۈمىتى ئامېرىكا باشچىلىقىدا ئېلىپ بېرىلىۋاتقان خەلقئارا تېررورچىلىققا قارشى ئۇرۇشنى قوللاۋاتقان بولسىمۇ، لېكىن پرېزىدېنت بۇشنىڭ مەقسەتلىرىدىن ئەندىشە قىلىدىكەن. خىتاي ھۆكۈمىتى شۇنداقلا ئامېرىكىنىڭ ئوتتۇرا ۋە جەنۇبىي ئاسىيادا كۈنسېرى كۆپىيىۋاتقان ھەربىي مەۋجۇدىيىتىدىن قاتتىق ئەندىشە قىلىدىكەن.

خەۋەردە ئېيتىلىشىچە، خىتاي مۇئاۋىن باش مىنىستىرى چەن چىچەننىڭ پرېزىدېنت بۇش ھەققىدە توساتتىن بۇنداق بىر ئىپادە بىلدۈرۈشىنىڭ سەۋەبى تېخى مەلۇم ئەمەس، ئەمما, ئامېرىكا - خىتاي مۇناسىۋەتلىرى يېقىندىن بۇيان بولۇپمۇ، ئىككى دۆلەت ئارىسىدا سودا مەسىلسىسدە ئوتتۇرىغا چىققان ئىختىلاپلار ۋە ئامېرىكا ھۆكۈمىتىنىڭ گۇئانتانامودا تۇتۇپ تۇرۇلىۋاتقان ئۇيغۇرلارنى خىتايغا قايتۇرماسلىق قارارى تۈپەيلىدىن يىرىكلەشمەكتە. (قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت