Хитай һөкүмити җорҗ бушниң нутуқиға еһтиятчанлиқ билән инкас қайтурди


2005-02-03
Share

Хитай һөкүмити пәйшәнбә күни америка президенти җорҗ бушниң нутуқиға қарита баянат елан қилип, оттура шәрқниң тәқдирини оттура шәрқ хәлқлири бәлгилиши керәк , дәп билдүрди.

Буниң алдида җорҗ буш дөләт ичи вә хәлқара мәсилиләр бойичә пүтүн мәмликәткә нутуқ сөзләп, оттура шәрқ вә башқа җайларда демократийини илгири сүридиғанлиқини билдүргән иди.

Америка бирләшмә ахбарат агентлиқиниң хәвиригә қариғанда, хитай ташқи ишлар министирлиқиниң баянатчиси куң чүән: "америка дуняда тәсири күчлүк бир дөләт. Биз америкиниң уруш вә хәлқара ишларға болған контроллуқни әмәс, бәлки тинчлиқни илгири сүрүшини, дуняда тинчлиқ вә муқимлиқни тәрғип қилишта иҗабий рол ойнишини үмид қилимиз" - деди.

Бир мухбир коңчүәндин, президент җорҗ буш нутуқида тилға алған демократийини кеңәйтмәкчи болған башқа районлар ичидә хитайниң бар-йоқлиқи һәққидики қаришини сориғинида, у бу соалға җаваб бәрмигән, бәлки хитайниң илгирикидин көп демократлашқанлиқини билдүргән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт