Bush ziyaritide, yawrupani xitaygha qaratqan qoral cheklimisini bikar qilmasliqqa chaqiridiken


2005-02-20
Share

Amérika prézidénti jorj bush bu hepte yawropani ziyaret qilidu. Amérikidiki bir qisim analizchilar, prézidént bushning bu qétimqi ziyaritidin paydilinip, xitayning herbiy küchining dawamliq éshishini cheklesh heqqide yawrupa birlikining qollishini isteydighanliqini mölcherlimekte.

Fransiye axbarat agéntliqining bildürüshiche, prézidént bush düshenbe küni yawropadiki üch döletke qilidighan ziyaritini bashlaydu hemde ziyariti jeryanida fransiye prézidénti shirak, girmaniye bash ministiri shirodér we rusiye prézidénti putinlar bilen uchrishidu.

Prézidént bush yawrupa ziyaritini bashlashning aldidila, amérika bilen yaponiye birleshme bayanat élan qilip, xitayni herbiy ishliri heqqide téximu konkirt uchurlarni bérishke chaqirghan idi.

Fransiye axbarat agéntliqining analizchilarning sözlirini neqil keltürüshiche, amérika, yawrupa birlikining xitaygha yürgüzüwatqan qoral sétip bermeslik cheklimisini bikar qilin'ghanda, xitay, yawrupa birlikidin ilghar tiptiki qoral sétiwélishqa muyesser bolup, asiya rayonining herbiy tengpungliqini buzushidin endishe qilmaqta iken.

Analizchilarning körsitishiche, amérika teywen boghuzidiki toqunushqa arilishishni oylishiwatqan shara'itta, xitay herbiy küchining zoriyishining aldini élish üchün, jorj bush bu qétimqi sepiride yawropadiki ittipaqdashliridin xitaygha yürgüzüwatqan qoral cheklimisini bikar qilmasliqni qayta telep qilishi mumkin iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet