پرېزىدېنت بۇش بريۇسسېلدا ئامېرىكا بىلەن ياۋروپانى ئىتتىپاقلىققا چاقىردى


2005-02-21
Share

ئامېرىكا پرېزىدېنتى جورجى بۇش دۈشەنبە كۈنى ياۋروپا ئىتتىپاقى ۋە ش ئا ئو ئە ت نىڭ باش شتابى بريۇسسېلدا سۆز قىلىپ، ياۋروپا بىلەن شىمالى ئامېرىكا دۇنيا بىخەتەرلىكىنىڭ ئاساسلىق تايانچ كۈچى، دەپ كۆرسەتتى.

بېلگىيە پايتەختى بريۇسسېل پرېزىدېنت بۇشنىڭ دۈشەنبە كۈنى باشلانغان ياۋروپادىكى 5 كۈنلۈك زىيارىتىنىڭ تۇنجى بېكىتى. پرېزىدېنت بۇش بريۇسسېلدىكى سۆزىدە مۇنداق دەيدۇ:

" ياۋروپا بىلەن شىمالى ئامېرىكا مۇناسىۋىتى بىزنىڭ يېڭى ئەسىردىكى بىخەتەرلىكىمىزنىڭ ئاساسلىق تايانچ كۈچى. ئوتتۇرىمىزدىكى سودا - ئىقتىسادى مۇناسىۋەت دۇنيا ئىقتىسادىنى ئىلگىرى سۈرۈدىغان ھەرىكەتلەندۈرگۈچى كۈچلەرنىڭ بىرى" . پرېزىدېنت بۇش يەنە ئەسكەرتىپ، "ئامېرىكا بىلەن ياۋروپادىكى سىياسى ۋە ئىقتىسادى ئەركىنلىك مودىلى، نامراتلىق ۋە ئېزىلىشكە ئۇچراۋاتقان مىڭلىغان - مىليونلىغان كىشىلەرگە ئۈمىد ئېلىپ كەلمەكتە."

پرېزىدېنت بۇش، "ياۋروپا بىلەن ئامېرىكىنىڭ كۈچلۈك دوستلىقى يەر شارىنىڭ تىنچلىقى ۋە گۈللىنىشىدە ئىنتايىن مۇھىم ئەھمىيەتكە ئىگە،" دەپ كۆرسەتتى. ئۇ ، ئوتتۇرا - شەرق مەسىلىسى ھۆكۈمىتىنىڭ پىلانىدا " نۆۋەتتىكى جىددى نىشانلىقىنى" بىلدۈردى. دۇنيانى پەلەستىن - ئىسرائىلىيە توقۇنۇشىغا خاتىمە بېرىش يولىدا ئاخىرىغىچە تىرىشىشقا چاقىرغان بۇش، ياۋروپالىقلارنى " ئىراقتىكى يېڭى دېموكراتىيىنى" قوللاشقا ئۈندىدى.

كۈزەتكۈچىلەرنىڭ بىلدۈرۈشىچە، پرېزىدېنت بۇش بۇ قېتىمقى ياۋروپا زىيارىتى ئارقىلىق ئىككى تەرەپنىڭ ئىراق مەسىلىسى، ئىران سىياسىتى شۇنداقلا خىتايغا قارىتىلغان قورال - ياراق ئىمبارگوسىنى بىكار قىلىش مەسىلىسىدىكى ئىختىلاپلاردا چۈشەنچە ھاسىل قىلىشنى ئۈمىد قىلىدىكەن. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت