Президент буш брюсселда америка билән явропани иттипақлиққа чақирди

Америка президенти җорҗи буш дүшәнбә күни явропа иттипақи вә ш а о ә т ниң баш штаби брюсселда сөз қилип, явропа билән шимали америка дуня бихәтәрликиниң асаслиқ таянч күчи, дәп көрсәтти.

Белгийә пайтәхти брюссел президент бушниң дүшәнбә күни башланған явропадики 5 күнлүк зияритиниң тунҗи бекити. Президент буш брюсселдики сөзидә мундақ дәйду:

" явропа билән шимали америка мунасивити бизниң йеңи әсирдики бихәтәрликимизниң асаслиқ таянч күчи. Оттуримиздики сода - иқтисади мунасивәт дуня иқтисадини илгири сүрүдиған һәрикәтләндүргүчи күчләрниң бири" . Президент буш йәнә әскәртип, "америка билән явропадики сияси вә иқтисади әркинлик модили, намратлиқ вә езилишкә учраватқан миңлиған - милйонлиған кишиләргә үмид елип кәлмәктә."

Президент буш, "явропа билән америкиниң күчлүк достлиқи йәр шариниң тинчлиқи вә гүллинишидә интайин муһим әһмийәткә игә," дәп көрсәтти. У , оттура - шәрқ мәсилиси һөкүмитиниң пиланида " нөвәттики җидди нишанлиқини" билдүрди. Дуняни пәләстин - исраилийә тоқунушиға хатимә бериш йолида ахириғичә тиришишқа чақирған буш, явропалиқларни " ирақтики йеңи демократийини" қоллашқа үндиди.

Күзәткүчиләрниң билдүрүшичә, президент буш бу қетимқи явропа зиярити арқилиқ икки тәрәпниң ирақ мәсилиси, иран сиясити шундақла хитайға қаритилған қорал - ярақ имбаргосини бикар қилиш мәсилисидики ихтилапларда чүшәнчә һасил қилишни үмид қилидикән. (Әркин)