Prézidént bush bryussélda amérika bilen yawropani ittipaqliqqa chaqirdi


2005-02-21
Share

Amérika prézidénti jorji bush düshenbe küni yawropa ittipaqi we sh a o e t ning bash shtabi bryussélda söz qilip, yawropa bilen shimali amérika dunya bixeterlikining asasliq tayanch küchi, dep körsetti.

Bélgiye paytexti bryussél prézidént bushning düshenbe küni bashlan'ghan yawropadiki 5 künlük ziyaritining tunji békiti. Prézidént bush bryusséldiki sözide mundaq deydu:

" Yawropa bilen shimali amérika munasiwiti bizning yéngi esirdiki bixeterlikimizning asasliq tayanch küchi. Otturimizdiki soda - iqtisadi munasiwet dunya iqtisadini ilgiri sürüdighan heriketlendürgüchi küchlerning biri" . Prézidént bush yene eskertip, "amérika bilen yawropadiki siyasi we iqtisadi erkinlik modili, namratliq we ézilishke uchrawatqan minglighan - milyonlighan kishilerge ümid élip kelmekte."

Prézidént bush, "yawropa bilen amérikining küchlük dostliqi yer sharining tinchliqi we güllinishide intayin muhim ehmiyetke ige," dep körsetti. U , ottura - sherq mesilisi hökümitining pilanida " nöwettiki jiddi nishanliqini" bildürdi. Dunyani pelestin - isra'iliye toqunushigha xatime bérish yolida axirighiche tirishishqa chaqirghan bush, yawropaliqlarni " iraqtiki yéngi démokratiyini" qollashqa ündidi.

Küzetküchilerning bildürüshiche, prézidént bush bu qétimqi yawropa ziyariti arqiliq ikki terepning iraq mesilisi, iran siyasiti shundaqla xitaygha qaritilghan qoral - yaraq imbargosini bikar qilish mesilisidiki ixtilaplarda chüshenche hasil qilishni ümid qilidiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet