Bush xitaygha qaritilghan qoral cheklimisining bikar qilinishidin endishe qiliwatqanliqini ipadilidi
Yawropani ziyaret qiliwatqan amérika prézidénti jorj bush seyshenbe küni shimaliy atlantik okyan ehde teshkilatigha eza dölet rehberlirining yighinigha qatnashqandin kiyin, yawrupa birlikining xitaygha qaratqan qoral cheklimisini bikar qilishidin endishe qiliwatqanliqini bildürdi.
U sözide, "bizning endishe qiliwatqinimiz, xitaygha qoral sétip bergenlik, xitaygha herbiy téxnikilarni yetküzgenlik. Bu, teywen boghuzidiki munasiwetler tengpungliqini özgertiwétidu" dédi.
Prézidént bushning bildürüshiche, yawrupa rehberliri amérikining endishisini anglighandin kiyin, buni hel qilidighan layihe tüzüp chiqidiken.
Buning aldida, amérika prézidénti jorj bush, fransiye prézidénti jek shirak bilen söhbet ötküzgen bolup, yawrupa birlikining xitaygha qaratqan qoral cheklimisi mesilisi ikki terep söhbitining muhim témilirining biri bolghan.
En'giliye b b s radi'o- téléwiziyisining xewirige qarighanda, ikki terep söhbette bir pikirge kélelmigen. Jek shirak, yawrupa birlikining xitaygha yürgüzüwatqan qoral sétip bermeslik cheklimisining hazirqi weziyetke mas kelmeydighanliqini bildürgen. Biraq u, yawrupa birlikining xitaygha qaratqan qoral cheklimisini bikar qilishta qandaq shert qoyush mesiliside, amérika we yawrupa birlikining choqum ortaq pikirge kélishi kéreklikini tekitligen.
Bu arida, xitay hökümiti seyshenbe küni bayanat élan qilip, amérikini, yawrupa birlikining xitaygha yürgüziwatqan qoral cheklimisini bikar qilishigha arilashmasliqqa chaqirghan. (Arzu)
Munasiwetlik maqalilar
- Bush ziyaritide, yawrupani xitaygha qaratqan qoral cheklimisini bikar qilmasliqqa chaqiridiken
- Amérika awam palatasi yawropaning xitaygha qoyghan imbargoni bikar qilish pilanini eyiplidi
- Amérika hélimu yawrupa ittipaqining xitaygha qaratqan qoral imbargosini bikar qilishidin endishe qilidu didi
- Amérika xitaygha qaritilghan qoral - yaraq imbargosining bikar qilinishigha qarshi chiqti
- Xitaygha qaratqan qoral cheklimisini bikar qilishta ixtilap peyda boldi
- Amérika yawropa ittipaqini qoral - yaraq imbargosida agahlandurdi
- Wén jyabawning yawropa ittipaqidiki ziyariti axirlashti
- Gérmaniye bash ministiri shroydér xitaydiki ziyaritini axirlashturdi
- Biryussélda xitayning “Uyghur mejburiy emgiki” ge qarshi chuqanlar
- Yéngi bixeterlik tedbiri: “Terbiyelesh” heqqide éghiz achmasliq we téléfonini chet'eldin urulmaydighan qiliwétish
- Lagér ayrighan ana-balining “Elley naxshisi” yaponiyede yangridi
- Mutexessisler: islam dini Uyghurlarning xitaygha assimiliyatsiye bolup ketmeslikidiki eng küchlük qalqandur
- Yüzlerche Uyghurlar jenwediki b d t binasi aldida namayish élip bardi
