Prézidént bush sherqiy yawropa elliridiki ziyaritini bashlidi


2005-05-06
Share

Amérika prézidénti jorji bush jüme küni yawropadiki rusiye qatarliq döletlerni ziyaret qilish sepirini bashlidi.

Prézidént bush shu küni ziyaritining tunji békiti latwiyige yétip barghan. Prézidént bush latwiyidin kéyin rusiye , gollandiye we groziyilerni ziyaret qilidu. U, moskwada 2 - dunya urushi ghelibisining 60 yilliqini xatirilesh pa'aliyitige qatnishidiken. Bu arida rusiye, sabiq sowét ittipaqining latwiye qatarliq baltiq déngizi döletliridiki 50 yilliq qoshun turghuzush herikitini amérikining " ishghaliyet," dep atighanliqi qarshi élinmaydu, dep körsetti.

Krimilin sariyi, sowét ittipaqining baltiq döletliridiki hökümranliqi ikki terepning raziliqi bilen bolghanliqini tekitligen. Emma prézidént bush, seperge atlinish aldida latwiye metbu'atlirining ziyaritini qobul qilip, "men latwiyilikler, létwaliqlar we istoniyilikler buni tebrikleshke erziydu, dep qarimaydighanliqini rusiye prézidéntige yetküzimen" dédi.

Prézidént bush, düshenbe küni moskwadiki qizil meydanda "ulugh weten urushi" ning ghelibisini tebriklesh pa'aliyitige qatnishidu. Metbu'atlarning ashkarilishiche, bush bu jeryanda xitay dölet re'isi xu jintaw bilen uchriship, xitay dölet re'isini bu yil 9 - ayda washin'gtonni ziyaret qilishqa teklip qilidiken. U, gollandiyidiki sepiride bu yerdiki xatirilesh pa'aliyetlirige qatnishidu.

Groziye, prézidént bushning yawropa sepiridiki axirqi biket. U, tiblistiki höriyet meydanida groziyiliklerge söz qilip, groziyining démokratik yolgha mangghanliqini tebrikleydu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet