Америка президенти буш хитай қатарлиқ дөләтләрни зиярәт қилиду


2005.10.17
Share on WhatsApp
Share on WhatsApp

Америка президенти җорҗи буш бу йил ноябирда японийә, хитай, җәнубий корийә вә моңғулийә қатарлиқ шәрқий асия әллирини зиярәт қилиду. Әгәр у моңғолийини зиярәт қилса, бу америка президентлириниң 1945 - йили ялта йиғинида моңғулийә мустәқиллиқи етирап қилинғандин бери, тунҗи қетим мәзкур дөләтни зиярәт қилиши болуп қалиду.

Ақ сарайниң баянатчиси скот миклилан, дүшәнбә күни президент бушниң юқириқи дөләтләрдә зиярәттә болидиғанлиқини ашкарилиди. Хитай президент бушниң шәрқий асиядики зияритиниң әң муһим бекити. Униң зиярити 18 вә 19 - ноябирларда җәнубий корийиниң бусан шәһиридә чақирилидиған асия - тинч окян иқтисади һәмкарлиқ тәшкилати башлиқлар йиғининиң алди - кәйнидә елип берилидикән.

Президент бушниң зиярити хитай - америка оттурисида сода риқабити күчийиватқан бир мәзгилгә тоғра кәлмәктә. Америка билән хитай өткән һәптә тоқулма буюмлар експорти бойичә бейҗиңда 5 - қетим сөһбәт елип барған болсиму, әмма сөһбәт мәғлубийәткә учриди. Америка дөләт мәҗлиси буш һөкүмитидин хәлқ пули ислаһатини тезлитиш тоғрисида хитай һөкүмитигә бесим ишлитишни тәләп қилмақта. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.