Amérika prézidénti bush xitay qatarliq döletlerni ziyaret qilidu


2005-10-17
Share

Amérika prézidénti jorji bush bu yil noyabirda yaponiye, xitay, jenubiy koriye we mongghuliye qatarliq sherqiy asiya ellirini ziyaret qilidu. Eger u monggholiyini ziyaret qilsa, bu amérika prézidéntlirining 1945 - yili yalta yighinida mongghuliye musteqilliqi étirap qilin'ghandin béri, tunji qétim mezkur döletni ziyaret qilishi bolup qalidu.

Aq sarayning bayanatchisi skot miklilan, düshenbe küni prézidént bushning yuqiriqi döletlerde ziyarette bolidighanliqini ashkarilidi. Xitay prézidént bushning sherqiy asiyadiki ziyaritining eng muhim békiti. Uning ziyariti 18 we 19 - noyabirlarda jenubiy koriyining busan shehiride chaqirilidighan asiya - tinch okyan iqtisadi hemkarliq teshkilati bashliqlar yighinining aldi - keynide élip bérilidiken.

Prézidént bushning ziyariti xitay - amérika otturisida soda riqabiti küchiyiwatqan bir mezgilge toghra kelmekte. Amérika bilen xitay ötken hepte toqulma buyumlar éksporti boyiche béyjingda 5 - qétim söhbet élip barghan bolsimu, emma söhbet meghlubiyetke uchridi. Amérika dölet mejlisi bush hökümitidin xelq puli islahatini tézlitish toghrisida xitay hökümitige bésim ishlitishni telep qilmaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet