Bush xitay hökümitini xelqqe téximu köp erkinlik bérishke chaqirdi

• 
  2005-11-16

Yaponiyidiki ziyaritini axirlashturghan amérika prézidénti jorj W bush charshenbe küni asiya-tinch okyan iqtisadiy hemkarliq teshkilatining rehberler yighinigha qatnishish üchün jenubiy koriyige yétip keldi. U charshenbe küni yaponiyidiki chéghida, xitay hökümitining puqralirigha téximu köp siyasiy we diniy erkin erkinlik bérishini hemde teywenni démokratik jem'iyetning ülgisi dep qarishi kéreklikini bildürdi.

Amérika birleshme agéntliqining xewirige qarighanda, bush bu sözlirini yene, teywenning her jehette erkinlikni ilgiri sürüsh arqiliq xelqqe awatliq ata qilghanliqini tilgha élip, xitayning erkin jem'iyetke aylinishtin qorqmasliqini chünki erkin jem'iyetning xitayning eng chong menpe'etige mas kélidighanliqini tekitlidi.

Buninggha qarita, xitay tashqi ishlar ministiri li jawshing bushning bu pikirlirini qobul qilmaydighanliqini bildürdi. U yene asiya tinch-okyan iqtisadiy hemkarliq teshkilati yighinida muxbirlargha, xitay bilen teywenning ikki ayrim gewde dep qaralmasliqi kéreklikini eskertti.

Prézidént bush, washin'gtonning "bir junggo" prinsipini yaqlaydighanliqini hemde ikki terepni, arisidiki ixtilaplarni tinch yolda hel qilishqa ündeydighanliqini bildürdi. Bush jenubiy koriyidiki sepiridin kéyin 19 -noyabir küni xitaygha ziyaretke barmaqchi. (Peride)