Буш хитай һөкүмитини хәлққә техиму көп әркинлик беришкә чақирди


2005.11.16

японийидики зияритини ахирлаштурған америка президенти җорҗ W буш чаршәнбә күни асия-тинч окян иқтисадий һәмкарлиқ тәшкилатиниң рәһбәрләр йиғиниға қатнишиш үчүн җәнубий корийигә йетип кәлди. У чаршәнбә күни японийидики чеғида, хитай һөкүмитиниң пуқралириға техиму көп сиясий вә диний әркин әркинлик беришини һәмдә тәйвәнни демократик җәмийәтниң үлгиси дәп қариши керәкликини билдүрди.

Америка бирләшмә агентлиқиниң хәвиригә қариғанда, буш бу сөзлирини йәнә, тәйвәнниң һәр җәһәттә әркинликни илгири сүрүш арқилиқ хәлққә аватлиқ ата қилғанлиқини тилға елип, хитайниң әркин җәмийәткә айлиништин қорқмаслиқини чүнки әркин җәмийәтниң хитайниң әң чоң мәнпәәтигә мас келидиғанлиқини тәкитлиди.

Буниңға қарита, хитай ташқи ишлар министири ли җавшиң бушниң бу пикирлирини қобул қилмайдиғанлиқини билдүрди. У йәнә асия тинч-окян иқтисадий һәмкарлиқ тәшкилати йиғинида мухбирларға, хитай билән тәйвәнниң икки айрим гәвдә дәп қаралмаслиқи керәкликини әскәртти.

Президент буш, вашингтонниң "бир җуңго" принсипини яқлайдиғанлиқини һәмдә икки тәрәпни, арисидики ихтилапларни тинч йолда һәл қилишқа үндәйдиғанлиқини билдүрди. Буш җәнубий корийидики сәпиридин кейин 19 -ноябир күни хитайға зиярәткә бармақчи. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.