Bush: térrorgha qarshi bu küresh herbiy toqunushla emes, belki bir medeniyetler urushi

Amérika prézidénti jorji bush düshenbe küni11 ‏- sintebir weqesining 5 yilliqi munasiwiti bilen amérika puqralirigha téléwizor nutuqi sözlep, amérikiliqlar 2001 - yili 9 - ayning 11 - künini menggü unutmaydu, dep körsetti we bu küreshni medeniyetler urushi, dep atidi.

11 - Sintebir weqesidin kéyin , amérika we uning ittipaqdashlirining térrorchiliqqa qarshi hujum bashlighanliqini tekitligen bush, térrorchilarning " meqsidi ayallarni öyge mehkum qilidighan, namizini qaza qilghan erkekler tayaq yeydighan,amérika we medeni ellerge térrorluq hujumlarni pilanlaydighan radikal islam impiriyisi qurush ikenlikidin xewer taptuq " deydu. U," térrorgha qarshi bu urush noqul herbiy toqunushla emes, belki bu bir medeniyetler urushidur. Amérika erkin döletler behriman boluwatqan turmush usulini saqlap qélish üchün tirishmaqta" dep körsetti.

Bushning eskertishiche, térrorgha qarshi bu urush démokratiye we erkinlik qimmet qarishini ilgiri sürüshni meqsed qilghan. U, "amérika yéngi esirning yölünüshini belgileydighan bir urushni qanat yaydurmaqta. Bu urush pütün dunyadiki nechche on milyonlighan kishilerning teqdirini belgileydighan küresh bolup qalghusi, dep eskertti.

Amérika xelqining qet'iy bolghanda we tirishqandila bu urushning ghelibisini qolgha keltüreleydighanliqini tekitligen bush, "amérika pütün memliket iradisining ittipaqlishishigha muhtaj " deydu. (Erkin)