Президент буш оттура шәрқни демократийини илгири сүрүшкә чақирди

• 
  2006-09-19

Америка президенти җорҗи буш сәйшәнбә күни б д т ниң омуми қурултийида сөз қилип, һәр қайси дөләтләрни оттура шәрқтә демократик ислаһатни қоллашқа чақирди.

Буш, б д т ға әза дөләтләр рәһбәрлиригә хитабән "дуняни оттура шәрқниң тинч раюн икәнликигә ишәндүрмәк наһайити тәс" дәйду. У, иран һөкүмитини иран хәлқиниң азатлиқи, гүллиниши вә америка билән яхши мунасивәт қурушидики "әң чоң тосалғу " дәп көрсәтти. У, "силәрни идарә қилғучиларниң азатлиқиңларни рәт қилиши, дөләт байлиқини террор , әсәбийлик вә ядро қоралларға ишлитиши келәчикиңларға әң чоң тосалғу пәйда қилмақта" дәп тәкитлиди.

Буш, америкиниң исламға қарши уруш қилмиғанлиқини, лекин исламдин пайдилинип өлүм вә вәйранчилиқ елип келиватқанларға қарши өзини қоғдаватқанлиқини билдүрди. Буш, суданниң дарфур районидики инсанпәрвәрлик кризисини тилға елип, һәр қайси дөләтләрни дарфур райониға тезрәк қошун әвәтишкә чақирди. Хитай бу йил 8 - айда русийә вә қатар билән биргә америкиниң дарфурға б д т қисимлирини орунлаштуруш тәклип лайиһисини рәт қилған. (Әркин)