Prézidént bush ottura sherqni démokratiyini ilgiri sürüshke chaqirdi

• 
  2006-09-19

Amérika prézidénti jorji bush seyshenbe küni b d t ning omumi qurultiyida söz qilip, her qaysi döletlerni ottura sherqte démokratik islahatni qollashqa chaqirdi.

Bush, b d t gha eza döletler rehberlirige xitaben "dunyani ottura sherqning tinch rayun ikenlikige ishendürmek nahayiti tes" deydu. U, iran hökümitini iran xelqining azatliqi, güllinishi we amérika bilen yaxshi munasiwet qurushidiki "eng chong tosalghu " dep körsetti. U, "silerni idare qilghuchilarning azatliqinglarni ret qilishi, dölet bayliqini térror , esebiylik we yadro qorallargha ishlitishi kélechikinglargha eng chong tosalghu peyda qilmaqta" dep tekitlidi.

Bush, amérikining islamgha qarshi urush qilmighanliqini, lékin islamdin paydilinip ölüm we weyranchiliq élip kéliwatqanlargha qarshi özini qoghdawatqanliqini bildürdi. Bush, sudanning darfur rayonidiki insanperwerlik krizisini tilgha élip, her qaysi döletlerni darfur rayonigha tézrek qoshun ewetishke chaqirdi. Xitay bu yil 8 - ayda rusiye we qatar bilen birge amérikining darfurgha b d t qisimlirini orunlashturush teklip layihisini ret qilghan. (Erkin)