Bush hindonéziyide naraziliq namayishlirigha duch keldi


2006.11.20

Amérika prézidénti jurj bush hindonéziyige qaratqan ziyaritini dawamlashturuwatidu. Düshenbe küni héndonéziyidiki bir nechchiligen siyasiy partiyiler we ammiwi teshkilatlar prézidénti bushning ziyaritige qarshi naraziliq namayishliri élip bardi. Prézidént bush hindonéziyide uning ziyaritige qarshi élip bériliwatqan naraziliq namayshlirini hindonéziyide démokratiyining tereqqiyatining janliq bir ispati dep körsetti.

Prézidént bush düshenbe küni hindonéziye prézidénti bambang hudhoyano bilen birlikte ötküzgen muxbirlarni kütiwélish yighinida, men kishiler öz küz qarashlirini erkin ipadileydighan bir jem'iyetni qarshi alimen, dédi. Prézidént bush muxbirlarni kütiwélish yéghini jeryanida iraq mesilisi üstide toxtilip, téxi iraqtiki amérika herbiy qisimlirining sanini azaytish yaki köpeytish toghrisida qarar bermigenlikini bildürdi. Lékin hindonéziye prézidénti yodhuyani, amérikining iraqtiki herbiy qisimlirini chékindürüp chiqish üchün munasip bir waqit belgilishi kéreklikini tekitlidi.

Bu, amérika prézidénti bushning hindonéziyini ikkinchi qétim ziyaret qilishi bolup hésablinidu. U tunji qétim 2003‏-yili öktebir éyida hindonéziyining baliy arilida élip bérilghan térrorluq hujumidin kéyin, hindonéziyini ziyaret qilghan idi. Birinchi qétimliq ziyaritining eksiche, prézidént bush bu qétimqi ziyaritide hindonéziyide keng kölemlik naraziliq namayishliri bilen qarshilashti.

Amérika hökümet xadimlirining bildürüshiche, prézidént bush bu ziyariti jeryanida hindonéziye rehberlirige 2001‏- yili 11‏- séntebirdin kéyin térrorchiliqta qarshi urush ramkisi ichide amérika bilen hindonéziye otturisida kücheygen munasiwetlerni téximu tereqqi qildurup, hindonéziye bilen istratégiyilik hemkarliq kélishimi imzalashni xalaydighanliqini bildürgen. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.