Җорҗи буш дөләт әһвалидин бәргән доклатида куба, берма, оттура шәрқ вә билорусийиләрни демократик ислаһат елип беришқа чақирди


2007.01.24
Share on WhatsApp
Share on WhatsApp

Америка президенти җорҗи буш 1 ‏-айниң 23 ‏- күни кәч саәт 9 да, америка хәлқиғә дөләт әһвалидин доклат бәрди. Бу ‏, америкиниң авам палатаси билән кеңәш палатаси демократларниң контроллуқиға өткәндин кейин, бушниң тунҗи қетимлиқ дөләт әһвалидин бәргән доклати болуп һесаблиниду.

Җорҗи буш доклатида ениргийә, сақлиқни сақлаш, җәмийәт аманлиқи, маарип, көчмән, дипломатийә қатарлиқ мәсилиләр үстидә тохталди. У доклатида террорчилиққа қарши урушни ахириғичә давамлаштуридиғанлиқини, бәлки урушта һуҗум арқилиқ терорчиларни йеңиш лазимлиқини көрсәтти. Шундақла йәнә куба, берма, оттура шәрқ вә билорусийиләрни демократик ислаһат елип беришқа чақирди.

Америка президенти җорҗи бушниң дөләт әһвалидин бәргән доклати ахирлашқандин кейин, верҗиня штатидин сайланған кеңәш палата әзаси җим вәб әпәнди бушни ираққа қаратқан сияситини өзгәртишкә чақириш шәкли арқилиқ наразилиқ инкаси қайтурди. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.