Президент буш оттура шәрқ дөләтлиригә қаратқан зияритини давамлаштурмақта

Оттура шәрқ дөләтлиригә қаратқан зияритини давамлаштуруватқан, америка президенти җурҗ буш, шәнбә күни койттә бәргән баянатида, ирақтики америка қошунлириниң санини азайтиш тоғрисида техи қарар елинмиғанлиқини тәкитләп, лекин әгәр һәрбий қоманданлар борун пиланлиғандин көпрәк әскәр чекиндүрүшни халимиса, мән уларниң пиригә қарши чиқмаймән, дегән.

Президент буш, ирақниң нөвәттики вәзийитиниң, ирақтики америка қисимлириниң санини көпәйтиш тоғрисида бәргән қарариниң тоғра қарар икәнликини испатлиғанлиқини тәкитлигән һәмдә америкиниң, ирақтики һәрбий мәвҗудийитиниң узун йиллар давамлишидиғанлиқини, билдүргән.

Президент буш, койттики америка һәрбий базисида бәргән баянатида, ирақта ғәлбә қилишиниң, оттура шәрқниң муқимлиқи үчүн муһим икәнликини әскәрткән шундақла америка, ирақтики достлиридин йүз өримәслики керәк, дәп агаһландурған.