Буш иранниң тәһдит икәнликини йәнә тәкитлиди

Америка президенти җорҗи буш чаршәнбә күнидин буян оттура шәрқ зияритини давамлаштурмақта. Йәкшәнбә күни әрәб бирләшмә хәлипиликини зиярәт қилғанда, иранниң дуняға тәһдит селиватқанлиқини, иранниң терроризмниң асаслиқ қоллиғучиси икәнликини тәкитлиди.

Америка авази радиосиниң хәвәр қилишичә, президент буш әрәб бирләшмә хәлипиликиниң иқтисадий вә иҗтимаий тәрәққиятини махтиған һәмдә "демократийә узун муддәтлик тинчлиқ вә муқимлиқ елип келиштики бирдин бир башқуруш усулидур" дәп көрсәткән. У йәнә әл- қаидә тәшкилатиниң америка билән әрәб дунясиниң арисида инақсизлиқ пәйда қиливатқанлиқини әйиблигән.

Униңдин илгири буш кувәйтни зиярәт қилғанда, америкиниң бу йил июлда ирақтин 20 миң әскәр чекиндүридиғанлиқини билдүргән. Президент буш әрәб бирләшмә хәлипиликиниң абидаби шәһиридә мәзкур дөләтниң президенти хәлипә билән айрим көрүшүп сөһбәт елип барған. Хәлипә бушқа пүтүн имканийити билән терроризмға қарши туруш вә муқимлиқни қолға кәлтүрүш үчүн күрәш қилидиғанлиқини изһар қилған. Президент буш давамлиқ һалда сәуди әрәбистан вә мисирни зиярәт қилмақчи.