Буш билән блейир, африқиниң қәрзлирини бикар қилиш мәсилисидә бирликкә келиш алдида


2005.06.08
Share on WhatsApp
Share on WhatsApp

Америка президенти җорҗ буш билән әнглийә баш министири тоний блейир чаршәнбә күни, африқиниң қәрзлирини бикар қилиш мәсилисидә ортақлиққа келишкә аз қалғанлиқини билдүрди.

Буш вашингтонда тоний блейир билән бу мәсилә үстидә мәхсус сөһбәтләшкәндин кейин, улар африқиниң қәрзлирини бикар қилиш мәсилисидә бир лайиһә түзүп чиқип, уни санаәтләшкән 8 дөләт алий йиғинида оттуриға қоюшқа келишкән.

Җорҗ буш вә тоний блейир оттуриға қойған бу пиланда, дунядики намрат 32 дөләтниң хәлқара малийә органлиридики 34 милярд америка доллар қәрзини бикар қилиш тәкливи оттуриға қоюлған. Шундақла бу дөләтләрниң көпи африқида икән.

Буш сөһбәттин кейин, "кәмбәғәл дөләтләр еғир қәрзләр түпәйлидин кәйнигә чекинишкә мәҗбур болмаслиқи керәк" деди. Тоний блейирму бушқа вәдә берип, "ярдәм пуллири һәргизму чирикләшкән һакимийәтләрниң қолиға чүшүп кәтмәйду" деди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.