Bush bilen bléyir, afriqining qerzlirini bikar qilish mesiliside birlikke kélish aldida

Amérika prézidénti jorj bush bilen en'gliye bash ministiri toniy bléyir charshenbe küni, afriqining qerzlirini bikar qilish mesiliside ortaqliqqa kélishke az qalghanliqini bildürdi.

Bush washin'gtonda toniy bléyir bilen bu mesile üstide mexsus söhbetleshkendin kéyin, ular afriqining qerzlirini bikar qilish mesiliside bir layihe tüzüp chiqip, uni sana'etleshken 8 dölet aliy yighinida otturigha qoyushqa kélishken.

Jorj bush we toniy bléyir otturigha qoyghan bu pilanda, dunyadiki namrat 32 döletning xelq'ara maliye organliridiki 34 milyard amérika dollar qerzini bikar qilish tekliwi otturigha qoyulghan. Shundaqla bu döletlerning köpi afriqida iken.

Bush söhbettin kéyin, "kembeghel döletler éghir qerzler tüpeylidin keynige chékinishke mejbur bolmasliqi kérek" dédi. Toniy bléyirmu bushqa wede bérip, "yardem pulliri hergizmu chirikleshken hakimiyetlerning qoligha chüshüp ketmeydu" dédi. (Peride)