Bush, iraq bash ministiri jafari bilen aq sarayda söhbet ötküzdi


2005-06-24
Share

Iraq bash ministiri ibrahim el- jafari, jüme küni washin'gtonda prézidént bush bilen söhbet ötküzdi. Ikki dölet rehbiri iraqning siyasi kélechiki we iraq amanliq qisimlirini terbiyilesh mesilisini nuqtiliq muzakire qilghan bolushi mumkin, dep qaralmaqta.

Ibrahim el - jafarining peyshenbe küni "washin'gton pochta géziti" ning ziyaritini qobul qilghanda tekitlishiche, u amérika we iraq qisimliri élip barghan iraqtiki birleshme herbiy hujum, bixeterlik jehettiki tirishchanliqimizda yéngi netije yaratti, dep qaraydiken. Jafari, amérika qoshunlirining iraqtin tézrek chékinishini ümid qilidighanliqini tekitligen.

Emma uning eskertishiche, qoshun chékindürüsh mesiliside hazirche waqit jedwili belgilesh toghra bolmaydiken. Jafari, qoshun chékindürüshning waqit jedwilini belgilesh térrorchilargha purset tughduridu, dep körsetti. U, iraq amanliq küchlirini terbiyilesh qedimini tézlitishni ümid qilghan. U, iraq qisimlirini terbiyileshke bashqa döletlerningmu qatnishishini telep qildi.

Jafarining tekitlishiche, iraq asasi qanunini bu yil 8 - ayghiche asasi qanun tüzüsh mudditi toshushtin burun tamamlinidiken. U, asasi qanun layihisining omumi xelq awazigha qoyulidighanliqini bildürdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet