Prizidént bush en'giliye bash ministiri blayér bilen iraq istratégiyisi heqqide muzakirileshti


2006.12.07

Amérika prizidénti jorj bush aq sarayda en'giliye bash ministiri blayér bilen uchriship öz - ara söhbetleshkendin kéyin, muxbirlarni kütiwilish yighini chaqirip, iraq istratégiyisi toghrisida söhbet élip bérilghanliqini bildürgen.

Amérika birleshme agéntliqining peyshenbe künidiki xewirige qarighanda, aq saray hökümiti yéqinda , amérikining yéngi tashqi siyasiti heqqide doklat élan qilip, iraqning weziyitini yaxshilash, bu mesilide iran we süriye bilen di'alog qurush shuningdek 2008 ‏- yilighiche iraqtin zor türkümde amérika qoshunlirini yötkep chiqip kétish mesililirini otturigha qoyghan idi .

En'giliye bash ministiri blayér, doklatta otturigha qoyulghan isra'iliye bilen pelestin otturisidiki ziddiyetni hel qilishning, iranning muqimliqi üchün intayin muhim ikenliki toghrisidiki qararni alahide qollaydighanliqini tekitlidi.

Bu arida közetküchiler bushning, blayérning aq sarayda élip barghan ziyaritidin intayin memnun bolghanliqini körsitip, " blayér , amérikining iraqqa qozghighan urushini izchil türde qollap kelgen dölet rehberliridin biri" déyishti.

Emma, iraq ishliri tetqiqat guruppisi teripidin chiqirilghan xulaside , bushning iraq heqqidiki pilanliri asasiy jehettin inkar qilin'ghan bolup, mezkür guruppa , iraqta weziyetning kündin - kün'ge keskinliship kétiwatqanliqini, amérika qoshunlirining nöwettiki muhim wezipisining urush qilishning ornigha yardemge ötüsh ikenlikini hemde iraq herbiy qisimlirining sanini eslidikidin 5 hesse köpeytishni teshebbüs qildi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.